Imeelezwa kuwa panya ndiye aliyekuwa chanzo cha tukio la waumini wanawake kukanyagana kwenye msikiti mmoja katika mji wa Casablanca nchini Morocco na kusababisha watu 80 kujeruhiwa.
Maafisa wa nchi hiyo wamesema waumini waliokua msikitini walizimia baada ya panya kukatiza kwenye mguu wa mwanamke mmoja aliyekuwa anaswali, na kulazimika kukimbia nje na kusababisha hofu kwa wengine.
Tukio hilo la kukimbia na kukanyagana katika msikiti wa Hassan II, lilitokea jumatatu usiku wakati waumini wakiendelea na swala katika kipindi hiki cha mfungo wa mwezi mtukufu wa Ramadhani.
